AP STATE SYMBOL - 2 : VR Educations

Read Time:8 Minute, 51 Second

AP STATE SYMBOL – 2

ఆంధ్రప్రదేశ్ రాష్ట్ర పుష్పం.

రాష్ట్ర పుష్పం మల్లెపువ్వు (Jasmine). దీని శాస్త్రీయ నామం-జాస్మినమ్ అఫిసినలే. (AP STATE SYMBOL – 2)
ఇది పొదల ప్రజాతికి చెందిన, అలివ్ కుటుంబానికి (ఒలకేసి) చెందిన తీగలా పెరిగి సువాసనలిచ్చే పూలు పూసే మొక్క ప్రపంచవ్యాప్తంగా మల్లెల జాతులు చాలా ఉన్నప్పటికీ మనకు తెలిసిన మల్లె జాతి మాత్రం జాస్మినమ్ సంబక్ మాత్రమే.
దీన్నే అరేబియన్ జాస్మిన్, మల్లిక, కుండమల్లిగై, మోగ్రా… ఇలా ఒక్కో ప్రాంతంలో ఒక్కోలా పిలుస్తారు.

రాష్ట్ర ఫలం:

ఆంధ్రప్రదేశ్ రాష్ట్ర ఫలం- మామిడి పండు. దీని శాస్త్రీయ నామం మాంజీ మాఫెరా ఇండికా, ఇది భారతదేశపు జాతీయ ఫలం దీనిని “ప్రైడ్ ఫ్రూట్ ఆఫ్ ఇండియా”. గా పిలుస్తారు. ఫలాలలో రారాజుగా పిలుస్తారు.

ఆంధ్రప్రదేశ్ రాష్ట్ర నృత్యం

రాష్ట్ర నృత్యం- కూచిపూడి, కూచిపూడి అనేది నాట్య- నాటక ప్రదర్శన.
ఎనిమిది ప్రధాన భారతీయ శాస్త్రీయ నృత్యాలలోఇది ఒకటి.
ఆంధ్ర ప్రదేశ్లోని కృష్ణా జిల్లాలో కూచిపూడి అనే గ్రామం పేరు మీద కూచిపూడి పేరు వచ్చింది.
కూచిపూడి అనే పేరు కుచేలపురం లేదా కుచిలపురి, కుసిలవ-పురంఅనే సంస్కృతం పేర్ల నుండి ఉద్భవించింది.
దీని అర్ధం నటుల గ్రామం. కుసిలవ అనేది ప్రాచీన సంస్కృత గ్రంథాలలో కనిపించే పదం దీనికి అర్ధం “నర్తకి”.
కూచిపూడి నాట్య శాస్త్రం మొదటి పూర్తి ప్రాచీన సంకలనం క్రీ.పూ.200 నుంచి క్రీ.శ. 200 మధ్య కాలంలో రాయబడినది. కూచిపూడి నాట్య శాస్త్ర వచనం 36 అధ్యాయాలుగా 6000 శ్లోకాలను కలిగి ఉంది.
రస సిద్ధాంతం, బావ వ్యక్తీకరణ, హావభావాలు, నటనా పద్ధతులు, ప్రాథమిక దశలు, నిలబడి ఉన్న భంగిమలు- ఇవన్నీ ఇందులో వివరించబడ్డాయి.
అద్వైత వేదాంతానికి చెందిన సన్యాసి అయిన తీర్థ నారాయణ యతి మరియు అతని శిష్యుడు సిద్ధేంద్ర యోగి కలిసి 17వ శతాబ్దంలో కూచిపూడి యొక్క ఆధునిక సంస్కరణను రచించి, వ్యవస్థీకరించారు.
కూచిపూడి ఎక్కువగా వైష్ణవ (కృష్ణుడి) సంప్రదాయంగా అభివృద్ధి చెందింది, దీనిని తమిళనాడులో “భాగవత మేళా” అని పిలుస్తారు. ఇందులో వాడే వాయిద్యాలు: మృదంగం, తాళాలు, వీణ, వేణువు, తంబురా

రాష్ట్ర క్రీడ

రాష్ట్ర క్రీడ: కబడ్డీ (చెడుగుడు- ఒక్కొక్క జట్టులో ఆటగాళ్ల సంఖ్య -07). ఈ ఆట 20వ శతాబ్దంలో పోటీ క్రీడగా ప్రాచుర్యం పొందింది.
ఆంధ్రప్రదేశ్, బీహార్, హర్యానా, కర్నాటక, కేరళ, మహారాష్ట్ర, ఒడిషా, పంజాబ్, తమిళనాడు, తెలంగాణ, ఉత్తరప్రదేశ్ మొదలైన భారత రాష్ట్రాల అధికారిక క్రీడ, కబడ్డీలో రెండు ప్రధాన విభాగాలు ఉన్నాయి.
పంజాబీ కబడ్డీ అనేది వృత్తాకార మైదానంలో ఆరుబయట ఆడతారు. దీనిని “సర్కిల్ స్టైల్” అని కూడా పిలుస్తారు.
“ప్రామాణిక శైలి” ఆట పైకప్పుగల క్రీడలమైదానంలో దీర్ఘచతురస్రాకార కోర్టులో ఆడతారు. ప్రధాన వృత్తిపర పోటీలు, ఆసియా క్రీడలు వంటి అంతర్జాతీయ పోటీలలో ప్రామాణిక శైలి వాడతారు.
భారత ఉపఖండంలోని వివిధ ప్రాంతాలలో ఈ ఆటను అనేక పేర్లతో పిలుస్తారు, అవి: ఆంధ్రప్రదేశ్, తెలంగాణ, మహారాష్ట్ర, కర్ణాటక, కేరళ, తమిళనాడులో కబడ్డీ: పంజాబ్ ప్రాంతంలో కౌడ్డీ లేక కబడ్డీ; పశ్చిమ భారతదేశంలో “హు- టు-టు”, తూర్పు భారతదేశంలో “హు-డో-డో”; బంగ్లాదేశ్లో లో “కబాడి” లేదా “హ-డు-డు”; మాల్దీవులలో “బావతిక్”, నేపాల్లో “కపార్టీ”.
కబడ్డీ మొదటిసారిగా చైనాలో జరిగిన 1990 ఆసియా క్రీడలలో ప్రవేశపెట్టబడింది. అప్పటి నుండి 2006 వరకు మనదేశం ఈ ఆటలో ప్రపంచ విజేతలుగా నిలిచారు.

ఆంధ్రప్రదేశ్ రాష్ట్ర జల చరం:

రాష్ట్ర జల చరం డాల్ఫిన్, గంగా నదిలో నివశించే డాల్ఫిన్ను 2009లో జాతీయ జలచరం గా ప్రకటించారు.డాల్ఫిన్ సముద్రపు నీటిలో, నదీ జలాల్లో నివసించే ఒక రకమైన క్షీరదము.
డాల్ఫిన్ జాతులలో రకాలు –

డెల్ఫినిడే – ఇవి సముద్రపు నీటిలో నివశించే డాల్ఫిన్ల
ప్లాటానిస్టిడే-ఇది భారతదేశ నదీ జలాలలో నివశించే డాల్ఫిన్లు .
ఇనిడే- ఇవి కూడా నదులలో నివశించే మరొక జాతి డాల్ఫిన్లు.
పొంటోపోరిడే ఉప్పునీటిలో నివశించే డాల్ఫిన్లు.
లిపోటిడే – చైనీస్ నదులలోనివశించే డాల్ఫిన్లు ఇవి అంతరించి పోయినాయి.

రాష్ట్ర అధికారిక భాష :

తెలుగు, తెలుగు రాష్ట్రాలకు తెలుగు అధికార భాష. ఒక భాషని అధికార భాషగా నిర్ణయంచిన తర్వాత ఆయా ప్రభుత్వాలు అన్ని విధాలా ఆ భాషను అభివృద్ధి చేయాల్సి ఉంటుంది.
అన్ని ప్రభుత్వ కార్యకలాపాల్లోసాధ్యమైనంతవరకూ ఆ భాష నే ఉపయోగించాలి.
ఆంధ్రప్రదేశ్ ప్రభుత్వం 1966 మే 14 న అధికారభాషా చట్టం చేసింది.(AP STATE SYMBOL – 2)
1974 మార్చి 19న అధికారభాషా సంఘాన్ని ఏర్పరిచింది, ప్రస్తుత అధికారభాషా సంఘం అధ్యక్షుడు – పి. విజయ్ బాబు
రాజ్యాంగంలోని 17వ భాగంలో 343 నుంచి 351 వరకు గల ప్రకరణలు అధికార భాషల గురించి తెలియజేస్తున్నాయి.
రాష్ట్ర శాసనసభలు ఆ రాష్ట్రంలో మాట్లాడే భాషల్లో ఒక భాషను లేదా కొన్ని భాషలను లేదా హిందీని అధికార భాషగా ప్రకటించవచ్చు .

ఆంధ్రప్రదేశ్ రాష్ట్ర గేయం:

మా తెలుగు తల్లికి మల్లెపూదండ(శంకరంబాడి సుందరాచార్య) సుందరాచార్యులు ‘మా తెలుగు తల్లికి గీతాన్ని 1942 దీనబంధు సినిమా కోసం రచించాడు, మా తెలుగు తల్లికి మల్లె పూదండ (మా తెనుగు తల్లికి మల్లె పూదండ) ఆంధ్రప్రదేశ్ రాష్ట్ర గీతం .
ఈ పాటలో తెలుగునాట ప్రముఖమైన నదులను, సంస్కృతి, సాహిత్యాలను, చరిత్రలో ప్రసిద్ధ వ్యక్తులను రచయిత సంస్మరించాడు.

అధికారిక వార్తా చానెల్:

అధికారిక వార్తా చానెల్: సప్తగిరి. దూరదర్శన్ సప్తగిరి (తెలుగు భాషలో) తొలి టీవి ఛానల్.
ఇది 1977అక్టోబరు 23న అప్పటి రాష్ట్రపతి నీలం సంజీవరెడ్డిచే ప్రారంభించబడింది.
హైదరాబాద్ దూరదర్శన్ కేంద్రం నుంచి మొదట్లో రోజుకి మూడు గంటల పాటు కార్యక్రమాలు ప్రసారం అయ్యేవి. 1998 నుంచి 24గంటల ప్రసారాలు ప్రారంభం అయ్యాయి.
2003 ఏప్రిల్ 2 నుండి దీని పేరు సప్తగిరి ఛానల్గా మార్చారు.
2014 ఆంధ్రప్రదేశ్ విభజన అనంతరం విజయవాడ కేంద్రంగా నవ్యాంధ్రప్రదేశ్ రాష్ట్ర అధికారిక టెలివిజన్ గా సప్తగిరి ఛానల్ ను కేంద్రప్రభుత్వం గుర్తించింది.