CLIMATE OF ANDRA PRADESH - 2 : VR Educations

Read Time:6 Minute, 26 Second

Table of Contents

ఆంధ్రప్రదేశ్ శీతోష్ణస్థితి(CLIMATE OF ANDRA PRADESH )

వేసవికాలం: (CLIMATE OF ANDRA PRADESH – 2)

సూర్యుడు మార్చి 21 తర్వాత భూమధ్య రేఖను దాటి ఉత్తరార్ధగోళంపైకి ప్రయాణించడం వలన లేదా ఉత్తర దిశలో ప్రయాణించటం వలన ఉత్తరార్ధగోళం లేదా భారతదేశం, ఆంధ్రప్రదేశ్ లపై సూర్యకిరణాలు నిట్ట నిలువుగా పడి ఉష్ణోగ్రతలు పెరుగుతాయి.
ఇలా అధిక ఉష్ణోగ్రతలు నమోదయ్యే కాలాన్ని వేసవి కాలంగా పేర్కొంటారు.
ఆంధ్రప్రదేశ్లో వేసవి కాలంలో గరిష్ట ఉష్ణోగ్రత ‘మే’లో నమోదు అవుతుంది.
వేసవిలో సగటు గరిష్ట ఉష్ణోగ్రత 45°Cనుంచి 47°C వరకు ఉంటుంది. అత్యల్ప ఉష్ణోగ్రతలు20°C నుంచి 22°C వరకు ఉంటాయి.
వేసవిలో అత్యధిక సగటు ఉష్ణోగ్రత 31.5°C అత్యల్ప సగటు ఉష్ణోగ్రత 18°C ఉంటుంది.
రాష్ట్ర సరాసరి ఉ ష్ణోగ్రత 27°C. తీరప్రాంతంలో 40°Cనుంచి 42°C వరకు ఉష్ణోగ్రతలు ఉండి వాతావరణంలో అర్ద్రత పెరిగి చాలా ఉక్కపోతగా ఉంటుంది.
దీని వలన మద్యాహ్న సమయాలలో వడదెబ్బ తగాలతనికి అవకాశాలు అధికంగా ఉంటాయి.
ఈ సమయంలో గుంటూరు జిల్లాలోని రెంటచింతల, విజయవాడ, కడప ప్రాంతాలలో 46 °C పైన ఉష్ణోగ్రతలు నమోదు అవుతాయి.
మైసూరు పీఠభూమికి అనుకొని ఉన్న చిత్తూరు, అనంతపురం జిల్లాలు ఇతర ప్రాంతాల కంటే మరింత చల్లగా ఉంటాయి.
చిత్తూరు జిల్లాలోని “హార్సిలీ హిల్స్ వేసవి విడిది కేంద్రం”చల్లగా ఉంటుంది. మే నెల రెండు, మూడు వారాల్లో రాష్ట్రమంతటా వడగాలులు వీస్తాయి.
పీఠభూమి ప్రాంతాలైన రాయలసీమ ప్రాంతం లో పగటిపూట ఉష్ణోగ్రతలు అధికంగాను, రాత్రిపూట తక్కువగాను ఉంటాయి.
పీఠభూమి తో పోలిస్తే తీరప్రాంతం లో పగటిపూట ఉష్ణోగ్రతలు కొంచెం తక్కువగాను, రాత్రిపూట ఎక్కువగాను ఉంటాయి.
పీఠభూమి ప్రాంతం లో దినసరి ఉష్ణోగ్రత వ్యత్యాసాలు అధికంగా ఉంటాయి.
తీరప్రాంతంలో దినసరి ఉష్ణోగ్రత వ్యత్యాసాలు తక్కువగా ఉంటాయి.
ఆంధ్రప్రదేశ్లో తీరప్రాంతంలో స్థిరమైన ఉష్ణోగ్రతలు, పీఠభూమి ప్రాంతంలో అస్థిరమైన ఉష్ణోగ్రతలు నమోదవుతాయి.(CLIMATE OF ANDRA PRADESH – 2)
అలాగే బంగాళాఖాతం లో తుఫానులు ఏర్పడటం వల్ల అప్పుడప్పుడు తీరప్రాంతాలలో వర్షం కురుస్తుంది ఉదా: 1969, 1990, 2004, సంవత్సరాలలో మే నెలలో అధిక వర్షపాతం నమోదయ్యింది.
ఈ రుతువులో సంవహన ప్రక్రియ అధికంగా జరగడం వల్ల క్యుములోనింబస్ మేఘాలు ఏర్పడి ఉ రుములు, మెరుపులు, వడగళ్లతో కూడిన సంవహన వర్షపు జల్లులు పడతాయి.
వేసవిలో రాష్ట్రంలో ఋతుపవనాలు రాకముందు పడే జల్లులను మామిడి జల్లులు లేదా మ్యాంగోషవర్స్ లేదా ఏరువాక జల్లులు అని పిలుస్తారు.
విశాఖపట్నం, మచిలిపట్నం, కాకినాడ, ప్రాంతాల్లో సముద్రం ప్రభావం వల్ల తక్కువ ఉష్ణోగ్రతలు ఉంటాయి.

నైరుతి రుతుపవనకాలం/ వర్షాకాలం

మాన్ సూన్ అనే పదం మౌసమ్ అనే అరబిక్ పదం నుండి ఉద్భవించింది.
మే నెల అంతంనాటికి ఉత్తరభారతదేశం టిబెట్ లలో ఏర్పడిన అల్పపీడనం అత్యంత శక్తి వంతంగా మారుతుంది.
దీని కారణంగా భూమధ్య రేఖ వద్ద ఉన్న వ్యాపార పవనాలు భారతదేశం వైపు పయనిస్తాయి.
ఇవి కొరియోలసిస్ ఫోర్స్ కారణంగా ఫెరల్ సూత్రం ప్రకారం కుడివైపు వంగి పయనించి భారతదేశానికి నైరుతి దిశలో చేరుకుంటాయి.(CLIMATE OF ANDRA PRADESH – 2)
అందువల్లనే వీటిని నైరుతి ఋతుపవనాలు అంటారు. నైరుతి ఋతుపవనాలు ఏర్పడడంలో ఇంటర్
ట్రాఫికల్ కన్వర్జెంట్ జోన్ (అంతర ఆయనరేఖ అభిసరణమండలం) (ITCZ)యొక్క పాత్ర క్రింది విధంగా ఉంటుంది.
ఈశాన్య, ఆగ్నేయ వ్యాపార పవనాలు కలిసే ప్రాంతంను ICTZ అని పిలుస్తారు.
ఇది సూర్యుడి గమనాన్ని అనుసరిస్తూ ఉంటుంది. అనగా ఇది భూమధ్యరేఖ ప్రాంతం నుండి ఉత్తర కర్కటక రేఖ 23 1 /2° వరకు విస్తరించి ఉంటుంది. దీన్ని ఋతుపవన ద్రోణి (Monsoon Trough) అంటారు.
జూన్ జూలైనెలలలో ట్రోపో ఆవరణంలో ఉండే వెస్టర్లీ జెట్ స్ట్రీమ్స్ (Westerly Jet Streams) ఉత్తర భారతదేశంలో అల్పపీడన ద్రోణిని ఏర్పరుస్తుంది.
దీంతో భూమధ్యరేఖ వద్ద ఉన్న పవనాలు ఉత్తర భారతదేశంలోకి పయనిస్తాయి.
ఈ పవనాలు హిందూ మహా సముద్రం ,అరేబియా సముద్రం ,బంగాళాఖాతం ల నుంచి తేమను సేకరించి భారత దేశానికీ ఇస్తాయి . ఈ వర్షాలనే నైరుతి రుతు పవనాలు అంటారు .
నైరుతి రుతు పవనాలు ఆరంభంలో సముద్ర ప్రభావిత గాలుట ప్రసరనలో చిక్కుకుపోవడం పల్ల ఉరుములు , మెరుపులతో కూడిన వర్షాలు ప్రారంభమవడాన్ని ఋతుపవన ఆరంభం వర్షాలు అంటారు.
నైరుతి రుతు పవనాలు భారత దేశం వైపు పయనిస్తూ 2 శాఖలుగా చీలి పోతాయి . అవి అరేబియా శాఖ, బంగాళాఖాతం శాఖ.ఇందులో అరేబియా శాఖవల్లనే ఆంధ్ర ప్రదేశ్ లో కూడా ఋతుపవనాలు విస్తాయి.